మస్కట్‌: 13 మంది వలసదారుల్ని రాయల్‌ ఒమన్‌ పోలీసులు అరెస్ట్‌ చేశారు. గ్యాంబ్లింగ్‌కి పాల్పడుతున్నారన్న ఆరోపణల నేపథ్యంలో వీరిని సలాలాలో అరెస్ట్‌ చేయడం జరిగిందని రాయల్‌ ఒమన్‌ పోలీస్‌ అధికారి ఒకరు చెప్పారు. దోఫార్‌ పోలీస్‌ నేతృత్వంలోని డైరెక్టరేట్‌ జనరల్‌ ఆఫ్‌ ఇంక్వైరీస్‌ అండ్‌ ఇన్వెస్టిగేషన్స్‌ ఆసియాకి చెందిన 13 మందిని అరెస్ట్‌ చేయడం జరిగింది. ఓ రెంటెడ్‌ అపార్ట్‌మెంట్‌లో గ్యాంబ్లింగ్‌ నిర్వహిస్తున్నట్లుగా అందిన సమాచారం మేరకు రంగంలోకి దిగిన విచారణ బృందం వ్యూహాత్మకంగా నిందితుల్ని అరెస్ట్‌ చేసింది. ఈ సందర్బంగా వారి నుంచి పెద్ద మొత్తంలో నగదుని కూడా స్వాదీనం చేసుకున్నారు. గ్యాంబ్లింగ్‌కి పాల్పడేవారిపై ఉక్కుపాదం మోపేందుకు కఠినమైన చట్టాలున్నాయి. ఆరు నెలల నుంచి మూడేళ్ళ దాకా జైలు శిక్ష, 500 ఒమన్‌ రియాల్స్‌ వరకూ జరీమానా దోషులకు పడే అవకాశం ఉంది.