మస్కట్‌: హిట్‌ అండ్‌ రన్‌ రోడ్‌ యాక్సిడెంట్‌లో ఓల్డ్‌ ఏజ్‌ పెన్షనర్‌ ఒకరు మృతి చెందారు. మృతుడ్ని ఇస్మాయిల్‌ మొహమ్మద్‌ అల్‌ బలుసిగా గుర్తించారు. ప్రమాదానికి కారణమైన వాహన డ్రైవర్‌ సంఘటనా స్థలం నుంచి తప్పించుకున్నాడు. మృతుడి మనవడు9 మొహమ్మద్‌ అల్‌ బలుషి మాట్లాడుతూ మధ్యాహ్నం 1.30 నిమిషాల సమయంలో రోడ్డు ప్రమాదంలో చనిపోయారనీ, ఏం జరిగిందో తమకు తెలియదనీ, విషయం ఆలస్యంగా తాము తెలుసుకున్నామని అన్నారు. రోడ్డు ప్రమాదం అనంతరం బాధితుడ్ని ఆసుపత్రికి తరలించగా, చికిత్స పొందుతూ ఆయన ఆసుపత్రిలో తుది శ్వాస విడిచారు. ప్రమాదంపై రాయల్‌ ఒమన్‌ పోలీసులు విచారణ ప్రారంభించారు. దోసిని కఠినంగా శిక్షిస్తామని వారు తెలిపారు.