సినిమా ఎవరికైనా రిలాక్స్ కలిగించే సాధనమే..! బిజీలైఫ్ నుంచి రిలాక్స్ కోసం సినిమాలను సెలబ్రిటీలు కూడా చూస్తారు. ఇక తెలంగాణ ఐటీ శాఖ మంత్రి కేటీఆర్ అయితే సినిమాలంటే ఆసక్తి.. ఇంత బిజీలైఫ్ లో కూడా సినిమాలను చూస్తూ.. నచ్చితే ఆ సినిమాలపై ప్రశంసల వర్షం కురిపిస్తుంటారు. కాగా తాజాగా వరుణ్ తేజ్ నటించిన తొలిప్రేమ సినిమాను రిలీజ్ రోజునే మంత్రి కేటీఆర్ చూశారట. సినిమా చాలా బాగా నచ్చింది అని తన ట్విట్టర్ ద్వారా చెప్పారు. శనివారం రాత్రి చాలా చాలా బాగా గడిచింది. తెలుగులో చాలా రోజుల తర్వాత వచ్చిన సున్నితమైన ప్రేమ కథా చిత్రం.. తొలిప్రేమ. ఈ సినిమా చిత్ర యూనిట్ అద్భుతంగా సినిమాను తెరకెక్కించింది అని కేటీఆర్ ప్రశంసించారు. వరుణ్, రాశీ ఖన్నాలు బాగా నటించారు. సినిమాలో పాటలు బాగున్నాయి. వెంకీ అట్లూరి సినిమాను అద్భుతంగా తెరకెక్కించారు అని కేటీఆర్ ట్వీట్ చేశారు. కేటీఆర్ ట్వీట్ కు స్పందించిన థమన్ ధన్యవాదలు తెలియజేస్తూ... మా అభిమాన నాయకుడి నుంచి వచ్చిన ప్రశంసలతో మా టీం చాలా సంతోషంగా ఉంది అని సంగీత దర్శకుడు థమన్ ట్వీట్ చేశారు.