నిన్న గురువారం ఉదయం ఫుజారియాలో టాక్సీలో ఉన్న25 సంవత్సరాల ఆసియా మహిళను బయటకు లాగి, అపహరించాలని చూసిన ఇద్దరు గల్ఫ్ పౌరులను, టాక్సీ డ్రైవరు సహకారంతో పోలీసులు పట్టుకున్నారు. ఆ మహిళను  అపహరించాలని చూసిన వారితో ఆమె పోరాడుతూ గట్టిగా అరిచిందని, వారెవరో ఆమెకు తెలియదని, వారు ఆమెను తమ వాహనం లోకి లాక్కుపోయారని టాక్సీ డ్రైవరు ఇచ్చిన సమాచారంతో రంగంలోకి దిగిన పోలీసులు కేవలం ఒక గంట సమయంలో వారిని పట్టుకుని నిర్బంధం లోకి తీసుకున్నారు.  నిందితులు నేరాన్ని ఒప్పుకున్నారని, వారిని ఫుజారియా పబ్లిక్ ప్రాసిక్యూషన్ వారికి అప్పగించామని వారు వివరించారు. రికార్డు సమయంలో నేరస్తులను వెతికి పట్టుకున్న పోలీసు మరియు నేర పరిశోధక శాఖ వారిని డైరక్టర్ ఆఫ్ పోలీస్ ఆపరేషన్స్ బ్రిగేడియర్ హుమైద్ మొహమ్మద్ అల్ యమాహి ప్రశంసించారు.