రియాద్ : రాజు తలచుకొంటే ...దెబ్బలకు కొదువా అని మనకు ఓ సామెత ఉంది...అదే రాజు జాలి పడితే కొండబాబు కొవ్వు కరిగి మామూలు యువకుడిగా మారిపోతాడు.  ఆ యువకుడు ఇదివరకు తన వళ్ళు తానె మోసుకోలేకపోయేవాడు.  సౌదీ అరబ్‌కు చెందిన ఖాలిద్ అల్ షెరీ ప్రపంచంలోనే అత్యంత భారీ స్థూలకాయునిగా ప్రసిద్ధి చెందాడు తన 610 కిలోల భారీ ఆకారంను గడచిన 4 ఏళ్లలో 68 కిలోల బరువుకు తగ్గించుకుని అందరినీ ఆశ్చర్యానికి గురిచేస్తున్నాడు. 2013లో ఖాలిద్ భారీ ఆకారంతో నానా యత్నాలు చెందేవాడు. ఆనాటి సౌదీ మాజీ రాజు ఆ యువ్క్ర్కునికి వైద్యానికి అయ్యే ఖర్చు భరిస్తానని  పేర్కోవడమే కాక అందుకు అన్నిఏర్పాట్లు చేశారు. ఆ కాలంలో ఖాలిద్ కనీసం నిలబడలేని స్థితిలో ఉన్నాడు. ఖాలిద్‌ను ఆసుపత్రికి తరలించేందుకు అమెరికా నుంచి ప్రత్యేక క్రేన్ తీసుకువచ్చారు. రియాద్‌లోని ఆసుపత్రిలో ఖాలిద్‌కు 30 మంది వైద్య సిబ్బంది సేవలు అందించారు. దీంతో ఆరు నెలల్లోనే 320 కిలోల బరువు తగ్గాడు. నాలుగు సంవత్సరాల పాటు చికిత్స అందుకున్న ఖాలిద్ ఇప్పుడు 80శాతం బరువు తగ్గాడు. ప్రస్తుతం ఖాలిద్ బరువు 68 కిలోలతో చురుగ్గా తిరుగుతున్నాడు.