నాగ్‌ సినిమా టైటిల్‌ ప్రకటన వాయిదా

హైదరాబాద్‌: రామ్‌గోపాల్‌ వర్మ-అక్కినేని నాగార్జున కాంబినేషన్‌లో ఓ చిత్రం తెరకెక్కుతున్న సంగతి తెలిసిందే. అభిమానులు ఎంతగానో ఎదురుచూస్తున్న ఈ సినిమా టైటిల్‌ను వర్మ ఈరోజు ప్రకటిస్తానని చెప్పారు. కానీ ఆయన ఎంతో అభిమానించే నటి శ్రీదేవి హఠాన్మరణంతో టైటిల్‌ ప్రకటనను వాయిదా వేస్తున్నట్లు వర్మ తెలిపారు.

'ఈ బాధాకర సమయంలో మా కొత్త సినిమా టైటిల్‌ను, విడుదల తేదీని ప్రకటించడానికి నేను, నాగార్జున సిద్ధంగా లేం. టైటిల్‌ను, విడుదల తేదీని తర్వాత ప్రకటిస్తాను' అని వర్మ ట్వీట్‌ చేశారు. ఈ చిత్రంలో నాగార్జున పోలీస్‌ అధికారి గెటప్‌లో కన్పించనున్నారు. మైరా సరీన్‌ కథానాయికగా నటిస్తున్నారు.