ఐపీఎల్‌ ప్రారంభ వేడుకల్లో రణ్‌వీర్‌ సింగ్‌ పాల్గొనటం లేదు. ఫుట్‌బాల్‌ మ్యాచ్‌లో పాల్గొన్న రణ్‌వీర్‌ భుజానికి గాయమవడంతో ప్రదర్శన ఇవ్వడం లేదని అతడి మేనేజర్‌ తెలిపారు. గాయం కారణంగా రణ్‌వీర్‌ దూరమవడంతో హృతిక్‌ రోషన్‌ను ఐపీఎల్‌ నిర్వాహకులు సంప్రదించినట్లు సమాచారం. ఈనెల 7న ముంబైలో జరిగే వేడుకల్లో పరిణీతి చోప్రా, వరుణ్‌ ధావన్‌, జాక్వలిన్‌ ఫెర్నాండెజ్‌లు ప్రదర్శన ఇవ్వబోతున్న విషయం తెలిసిందే. ఇందుకోసం షూటింగ్‌కు విరామం ఇచ్చిన వరుణ్‌ అప్పుడే రిహార్సల్‌ కూడా మొదలుపెట్టేసారు.