న్యాయార్క్‌ : సౌత్‌వెస్ట్‌ ఎయిర్‌లైన్స్‌ విమానంలో ఇంజన్‌పేలడంతో ఒక వ్యక్తి మృతి చెందగా, ఏడుగురికి గాయాలైనట్లు అధికారులు తెలిపారు. దీంతో విమానాన్ని ఫిలడెల్ఫియా అంతర్జాతీయ విమానాశ్రయంలో అత్యవసరంగా దింపామని పేర్కొన్నారు. సౌత్‌వెస్ట్‌ విమానంలో ఎడమవైపున ఉన్న ఇంజన్‌ వైఫల్యం చెందడంతో పేలుడు సంభవించిందని జాతీయ రవాణా భద్రతా బోర్డ్‌ చైర్మన్‌ రాబర్ట్‌ సుమ్వాల్టో అన్నారు. న్యూయార్క్‌లోని లాగార్డియా విమానాశ్రయం నుండి విమానం ప్రయాణించిన గంటలోనే ఇంజన్‌లో పేలుడు సంభవించిందని, దీంతో ప్రయాణికులు భయానికి గురయ్యారని అన్నారు. విమానంలో 144 మంది ప్రయాణికులు ఉన్నట్లు తెలిపారు.