రస్‌ అల్‌ ఖైమా:రస్‌ అల్‌ ఖైమా టూరిజం డెవలప్‌మెంట్‌ అథారిటీ, పవిత్ర రమదాన్‌ మాసం సందర్భంగా మోడర్న్‌ అల్‌ ఫైరోజ్‌ రమదాన్‌ టెంట్‌ ఐలాండ్‌ని ప్రారంభిస్తోంది. ఫ్యామిలీస్‌, ఫ్రెండ్స్‌ ఈ కాంటెంపరరీ టెంట్‌ని ఎంజాయ్‌ చేయొచ్చు. సముద్ర తీరంలో అత్యంత ఆహ్లాదకరమైన వాతావరణంలో ఇఫ్తార్‌ విందు ఎంతో ప్రత్యేకంగా వుంటుందని నిర్వాహకులు చెబుతున్నారు. జెడబ్ల్యు మారియట్‌ దుబాయ్‌ 5 స్టార్‌ సౌకర్యాలతో ఇఫ్తార్‌ విందుని ఏర్పాటు చేస్తోంది. రమదాన్‌ సంప్రదాయాల్ని మోడ్రన్‌ యాంబియన్స్‌లో ఏర్పాటు చేస్తున్నామని నిర్వాహకులు చెప్పారు. మెయిన్‌ డైనింగ్‌ ఏరియా, 10 ప్రైవేట్‌ మజ్లిస్‌ ఏరియాస్‌, పలు ప్రైవేట్‌ ఏరియాస్‌ (వీఐపీ విజిటర్స్‌ - కార్పొరేట్‌ బుకింగ్స్‌ కోసం) అందుబాటులో వుంటాయి. ఆర్‌ఎకెటిడిఎ సిఇఓ హైతమ్‌ మట్టర్‌ మాట్లాడుతూ, పవిత్ర రమదాన్‌ మాసంలో ఇఫ్తార్‌ విందుని మరింత ప్రత్యేకంగా మలచేందుకు ఏర్పాట్లు చేసినట్లు చెప్పారు. సాయంత్రం 6.30 నిమిషాల నుంచి తెల్లవారుఝామున 2 గంటల వరకు సాధారణ రోజుల్లో అందుబాటులో వుండే ఈ యాంబియన్స్‌, వీకెండ్స్‌లో తెల్లవారు ఝాము 3 గంటల వరకు తెరచి వుంటుంది.