షార్జా:వేగంగా దూసుకెళ్తున్న కారు ఢీకొనడంతో 8 ఏళ్ళ బాలుడి పరిస్థితి విషమంగా మారింది. అల్‌ ధైద్‌ రోడ్డుపై ఈ ప్రమాదం చోటు చేసుకుంది. ఎమిరేటీ వ్యక్తి కారుని నడుపుతుండగా, అరబ్‌ బాలుడు కారు ప్రమాదంలో తీవ్రంగా గాయపడ్డాడు. సూపర్‌ మార్కెట్‌కి వెళ్ళేందుకోసం రోడ్డు దాటేందుకు ప్రయత్నిస్తుండగా బాలుడ్ని వేగంగా దూసుకొస్తున్న కారు ఢీకొంది. పోలీసులు నిందితుడ్ని అరెస్ట్‌ చేశారు. రోడ్డు ప్రమాదం గురించిన సమాచారం అందగానే, పెట్రోల్‌ మరియు అంబులెన్స్‌ని తక్షణం సంఘటనా స్థలానికి పంపించారు. బాలుడి పరిస్థితి విషమంగా వుండడంతో హుటాహుటిన అల్‌ధైద్‌ ఆసుపత్రికి అతన్ని తరలించారు. ప్రస్తుతం ఐసీయూలో బాలుడికి చికిత్స అందుతోంది.