సహారా సెంటర్‌, 'ప్లగ్‌ ఇన్‌టూ ది ఫ్యూచర్‌ లైక్‌ నెవర్‌ బిఫోర్‌' ఫ్యామిలీ ప్రమోషన్‌కి సంబంధించి లక్కీ విన్నర్స్‌ని ప్రకటించింది. మార్చి 29 నుంచి మే 3 వరకు ఈ కాంటెస్ట్‌ జరిగింది. యూఏఈ జాతీయుడు సుహా అల్‌ ఖాలిది ఈ కాంటెస్ట్‌లో లక్కీ వినర్‌గా నిలిచారు. టెస్లా మోడల్‌ ఎక్స్‌ కారుని ఆయన దక్కించుకున్నారు. 200 దిర్హామ్‌ల కొనుగోలుతో రఫాలేలో పాల్గొనేందుకు నిర్వాహకులు కొనుగోలుదారులకు అవకాశం కల్పించారు. రఫాలే కోసం రిజిస్టర్‌ చేసుకున్నప్పుడు, బహుమతి గెలుస్తానని తాను అనుకోలేదని సహా అల్‌ ఖాలిది చెప్పారు. టెస్లా మోడల్‌ ఎక్స్‌ గెల్చుకోవడం చాలా ఆనందంగా వుందని, ఈ సందర్భంగా సహారా సెంటర్‌కి కృతజ్ఞతలు తెలుపుతున్నానని అన్నారాయన. ఈ గ్రాండ్‌ ప్రైజ్‌తోపాటుగా 10 మంది సాపర్స్‌, 10,000 దిర్హామ్‌ల విలువైన వోచర్లను గెల్చుకున్నారు.