సుప్రీమ్ హీరో సాయి ధరమ్ తేజ్ ప్రధాన పాత్రలో కరుణాకరన్ తెరకెక్కిస్తున్న చిత్రం తేజ్ ఐ లవ్ యూ. చిత్రంలో అనుపమ కథానాయికగా నటిస్తుంది. జూన్ 29న విడుదల కానున్న ఈ సినిమా ప్రచార కార్యక్రమాలు మొదలయ్యాయి. శనివారం (జూన్ 2) తేజ్ ఐ లవ్ యూ చిత్ర నిర్మాతలు.. ఆర్జేస్‌ ( రెడియో జాకీ) వర్సెస్‌ తేజ్‌ ఐ లవ్‌ యూ టీమ్‌ క్రికెట్ పోటీ నిర్వహించి అందులో గెలిచిన వారి చేతుల మీదుగా అందమైన చందమామ అనే తొలి పాటని విడుదల చేయించారు. గోపిసుందర్ సమకూర్చిన బాణీలు సంగీత ప్రియులని ఎంతగానో అలరిస్తున్నాయి. అందమైన ప్రేమ కథా చిత్రంగా తేజ్ ఐ లవ్ యూ చిత్రం రూపొందింది. క్రియేటివ్ కమర్షియల్స్ పతాకంపై కె.ఎస్‌. రామారావు నిర్మిస్తున్న ఈ చిత్రం కవితాత్మక భావనలతో సాగే ప్రేమ కథాచిత్రంగా ఉంటుందని సమాచారం. ఇందులో సాయిధరమ్ తేజ్ నవతరం ప్రేమికుడిగా కనిపించనున్నాడు. అనుపమ పరమేశ్వరన్ మెమోరీ లాస్ పేషెంట్‌గా కనిపించనుందనే టాక్ . జూన్ 9న చిత్ర ఆడియో వేడుకని గ్రాండ్‌గా నిర్వహించనున్నట్టు తెలుస్తుంది. మరి తాజాగా విడుదలైన లిరికల్ సాంగ్ మీరు విని ఎంజాయ్ చేయండి.