కావాల్సినవి: బ్రోకోలి - 100 గ్రాములు, జుక్‌నీ గ్రీన్‌ అండ్‌ యెల్లో- 100 గ్రాములు, క్యాబేజ్‌- 50 గ్రాములు, ఎరుపు, పసుపు, ఆకుపచ్చ రంగుల క్యాప్సికమ్‌ - ఒక్కోటి, పచ్చిమిర్చి- రెండు, ఉల్లిపాయలు - ఐదు, టొమాటో- ఒకటి, జీడిపప్పు- నాలుగు, జీలకర్ర- ఒక టీ స్పూన్‌, గరం మసాలా- అర టీ స్పూన్‌.
తయారీ విధానం: కూరగాయలన్నీ సన్నగా తరగాలి. ఉల్లిపాయ గ్రేవీ తయారుచేయాలి. అందుకు పాన్‌లో నూనె వేసి వేడిచేయాలి. అందులో తరిగిన నాలుగు ఉల్లిపాయల ముక్కల్ని వేసి వేగించాలి. అవి వేగుతుండగా జీడిపప్పు, చిటికెడు పసుపు వేయాలి. అవికూడా వేగాక చల్లార్చి మిక్సీలో పేస్ట్‌ చేసుకోవాలి. మరో పాన్‌లో ఒక టేబుల్‌ స్పూన్‌ నూనె వేసి జీలకర్ర, గరంమసాలా, టొమాటో ముక్కలు వేసి వేగిస్తూ కూరగాయ ముక్కల్ని కలపాలి. మంచి వాసన వచ్చేంతవరకు వేగించాలి. తర్వాత ఉల్లిపాయ గ్రేవీ కలిపి సన్నటి మంటమీద కూరగాయలు ఉడికేవరకు ఉంచాలి. వెజ్‌ హసీనాను రోటీతో తింటే ఆ రుచే వేరు.