గల్ఫ్‌ కో-ఆపరేషన్‌ కౌన్సిల్‌ లీడర్స్‌ సౌదీ రాజధాని రియాద్‌ చేరుకున్నారు. 36వ సుప్రీం కౌన్సిల్‌ ఆఫ్‌ అరబ్‌ స్టేట్స్‌ సమ్మిట్‌ కోసం జిసిసి దేశాలకు చెందిన ప్రముఖ నేతలు రియాద్‌కి వచ్చారు. ఈ సమ్మిట్‌లో గల్ఫ్‌ దేశాల మధ్య ఐక్యత మరింత పెరగడానికి తగిన సూచనలు, సలహాల్ని నేతలు ఒకరితో ఒకరు పంచుకుంటారు. అలాగే సిరియా, యెమెన్‌లోని సంక్షోభం గురించి కూడా చర్చిస్తారు. ఆయా దేశాల్లోని పరిస్థితులపై చర్చించి, అక్కడి పరిస్థితుల్ని చక్కదిద్దడానికి తగిన చర్యలను కూడా గుర్తిస్తారు ఈ సమ్మిట్‌లో జిసిసి నాయకులు. తీవ్రవాద స్థావరాలపై సంయుక్తంగా దాడులు చేయడం, తీవ్రవాద ప్రభావ ప్రాంతాల్లోని ప్రజలకు రక్షణ కల్పించడం, తగిన వైద్య సహాయం అందించడం వంటివి ముఖ్య అంశాలుగా జిసిసి సమ్మిట్‌లో చర్చకు రానున్నాయి. అలాగే, అభివృద్ధిలో గల్ఫ్‌ దేశాలు శరవేగంగా ముందుకు వెళ్ళడానికి పరస్పర సహకారం అందించుకోవడమెలా? అన్నదానిపైన కూడా నాయకులు చర్చిస్తారు.