కొత్త రెసిడెన్సీ పర్మిట్‌ కార్డ్‌ ఇకపై ఐడెంటిటీ ప్రూఫ్‌గా ఉపయోగపడున్న నేపథ్యంలో విదేశీ పౌరులు తమ వెంట ఆ కార్డ్‌ని నిత్యం ఉంచుకోవాల్సి ఉంటుంది. విదేశాలకు వెళ్ళినప్పుడు, విదేశాల నుంచి తిరిగి వస్తున్నప్పుడు ఈ ఐడెంటిటీ కార్డుని తప్పక చూపాల్సి ఉంటుంది. కొందరు విదేశాలకు వెళ్ళి, తిరిగొచ్చేటప్పుడు తమతో కార్డ్‌ని తీసుకురాకపోవడం వల్ల ఇబ్బందులు ఎదుర్కొంటున్నారు. కార్డు లేకుండా, ఆరు నెలలకు మించకుండా విదేశాలకు వెళ్ళి, తిరిగొచ్చేవారికి రిటర్న్‌ వీసా ద్వారా ప్రవేశం కల్పిస్తారు. వారి రెసిడెన్సీ కార్డ్‌ని 'ఇమ్మిగ్రేషన్‌ సిస్టమ్‌'లో 'లాస్ట్‌'గా నమోదు చేస్తారు. ఆరు నెలలకు మించి, విదేశాల్లో ఉండి కార్డు లేకుండా తిరిగి వచ్చేవారు, ఇకపై ఇలాంటి తప్పిదం జరగదని డిక్లరేషన్‌ ఇవ్వాల్సి ఉంటుంది. అలాగే ఇమ్మిగ్రేషన్‌లో 'లాస్ట్‌'గా ఆ కార్డ్‌ని నమోదు చేస్తారు. స్పాన్సరర్‌ లేదా ఎంప్లాయర్‌ ద్వారా రిటర్న్‌ వీసా ప్రాసెస్‌ జరగని పక్షంలో, రెసిడెన్సీ చట్టాన్ని ఉల్లంఘించినట్లుగా భావించి, చట్ట పరమైన చర్యలు తీసుకుంటారు. ఈ ఇబ్బందులు తలెత్తనున్న కారణంగా, రెసిడెన్సీ కార్డ్‌ని తప్పనిసరిగా తమ వెంట ఉంచుకోవడం మంచిది.