విమాన సంస్థ జెట్‌ ఎయిర్‌వేస్‌ టికెట్ ధరలపై 30 శాతం వరకు డిస్కౌంట్‌ ప్రకటించింది. ఈ డిస్కౌంట్లు దేశీయ, అంతర్జాతీయ ప్రయాణాలపై జులై 23వ తేదీ వరకు అమల్లో ఉంటాయి. ఎకానమీ, ప్రీమియం క్లాస్‌ల్లో ఛార్జీల ఆధారంగా డిస్కౌంట్‌ వర్తిస్తుంది. సంస్థ అంతర్జాతీయ భాగస్వాములైన ఎయిర్‌ ఫ్రాన్స్‌, కేఎల్‌ఎం రాయల్‌ డచ్‌ ఎయిర్‌లైన్స్‌ విమానాల్లో కూడా ఆఫర్‌ వర్తిస్తుంది. జులై 17 నుంచి చేసే ప్రయాణాలపై ఈ ఆఫర్‌ వర్తించనుంది. దేశీయ ప్రయాణాల్లో ఎకానమీ క్లాస్‌లో మాత్రం 25శాతం వరకు డిస్కౌంట్‌ ఇవ్వనున్నారు.