హైదరాబాద్:అల్పపీడన ప్రభావంతో గురువారం సాయంత్రం భాగ్యనగరం భారీ వర్షంతో తడిసి ముద్దయింది. ప్రధాన రహదారులపై ఎక్కడికక్కడే నీరు నిలిచిపోవడంతో ట్రాఫిక్‌ స్తంభించింది. లోతట్టు ప్రాంతాలు నీటమునిగాయి. రాత్రి 10 గంటల వరకు 3 సెం.మీ. వర్షపాతం నమోదైంది. రానున్న 24 గంటల్లో నగరంలో అక్కడక్కడా మోస్తరు నుంచి భారీ వర్షం కురిసే అవకాశాలున్నట్లు వాతావరణ శాఖ తెలిపింది. వాయవ్య బంగాళా ఖాతం, పరిసర ప్రాంతాల్లో ఏర్పడే అల్పపీడనం వల్ల రాష్ట్రంలో వర్షాలు కురిసే అవకాశం ఉందని వెల్లడించింది.