కాలిఫోర్నియాలో చెలరేగిన కార్చిచ్చు చల్లారటం లేదు. గత వారం రోజులుగా సుమారు 1,87,000 ఎకరాల అడవిని ధ్వంసం చేసిన ఈ దావానలం అమెరికాను పొగతో కమ్మేస్తోంది. 'మెండోసినో కాంప్లెక్స్ ఫైర్‌'గా పిలుస్తున్న ఈ కార్చిచ్చు వల్ల పసిఫిక్‌ ప్రాంతం నుంచి రాకీ పర్వతాల వరకు దట్టమైన పొగ ఆవరించింది. మంటలు తీవ్ర రూపం దాల్చడంతో కెనడాలోని కాల్గరీ, సస్కాచ్‌వాన్‌ ప్రావిన్స్‌లు అలెర్ట్‌గా ఉండాలని హెచ్చరికలు జారీ చేసారు. కాలిఫోర్నియా చరిత్రలోనే అతి పెద్ద కార్చిచ్చుగా చెబుతోన్న ఈ ప్రమాదం కారణంగా రాష్ట్రంలో ఎయిర్‌ క్వాలిటీ అలర్ట్‌ విధించారు.