మస్కట్‌:సలాలాలోని ఓ షాపింగ్‌ సెంటర్‌లో అగ్నిప్రమాదం సంభవించడంతో ఒకరికి గాయాలయ్యాయని పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) వెల్లడించింది. అగ్ని ప్రమాదానికి కారణాలు ఇంకా తెలియరాలేదనీ, అయితే గాయపడ్డ వ్యక్తికి స్వల్ప గాయాలే అయ్యాయని పిఎసిడిఎ పేర్కొంది. ఫైర్‌ రెస్క్యూ టీమ్‌ సకాలంలో సంఘటనా స్థలానికి చేరుకుని, మంటల్ని ఆర్పి వేసినట్లు పిఎసిడిఎ అధికారులు వివరించారు. విలాయత్‌ ఆఫ్‌ సలాలాలో ఈ ఘటన జరిగింది. గాయపడ్డ వ్యక్తికి ప్రాథమిక వైద్య చికిత్స అందించి, ఆసుపత్రికి తరలించారు.