బహ్రెయిన్: 20 నుంచి 30 ఏళ్ళ వయసు గల ముగ్గురు ఆసియా వ్యక్తులపై హెరాయిన్‌ విక్రయానికి సంబంధించి అభియోగాలు మోపబడ్డాయి. హై క్రిమినల్‌ కోర్టులో వీరిపై విచారణ జరుగుతోంది. కింగ్‌డమ్‌లో హెరాయిన్‌తోపాటు ఇతర డ్రగ్స్‌ని వీరు అక్రమంగా విక్రయిస్తున్నట్లు ఆరోపణలు ఎదుర్కొంటున్నారు. సీక్రెట్‌ ఆపరేషన్‌ ద్వారా 40 బహ్రెయినీ దినార్స్‌తో మొదటి నిందితుడ్ని పట్టుకోగలిగారు. మినిస్ట్రీ ఆఫ్‌ ఇంటీరియర్‌ - యాంటీ డ్రగ్‌ డిపార్ట్‌మెంట్స్‌ ఈ ఆపరేషన్‌ నిర్వహించింది. పోలీస్‌ అధికారి ఒకరు మఫ్టీలో వెళ్ళి నిందితుడ్ని అరెస్ట్‌ చేశారు. రెయిడ్‌ జరుగుతున్న సమయంలో ఆ వ్యక్తితోపాటు మరో ఇద్దరు వ్యక్తులు కూడా ఆ ఇంట్లో వున్నారు.