సౌదీ సిటీ జజాన్‌ వైపు యెమెన్‌లోని హౌతీ తీవ్రవాదులు సంధించిని మిస్సైల్‌ని సౌదీ అరేబియా రాయల్‌ ఎయిర్‌ డిఫెన్స్‌ ఫోర్సెస్‌ సక్సెస్‌ఫుల్‌గా కూల్చివేశాయి. ఈ ఘటనలో ఎవరికీ ఎలాంటి గాయాలూ కాలేదు. జజాన్‌లో పౌరులే లక్ష్యంగా ఈ మిస్సైల్‌ దాడి జరిగింది. గత కొన్నాళ్ళుగా యెమెన్‌ నుంచి పెద్దయెత్తున మిస్సైల్స్‌ సౌదీ అరేబియాకి హౌతి తీవ్రవాదులు సంధిస్తున్నారు. ఇరాన్‌ మద్దతుతో తీవ్రవాదులు చెలరేగిపోతున్నారు. అత్యంత చాకచక్యంగా సౌదీ దళాలు మిస్సైల్‌ దాడుల్ని తిప్పికొడుతున్నాయి. అతి తక్కువ సందర్భాల్లో మాత్రమే, పౌరులకు చిన్నపాటి గాయాలవుతున్నాయి. ఈ దాడుల్ని గల్ఫ్‌ సమాజంతోపాటు, ప్రపంచమంతా ఖండిస్తోంది.