వీకెండ్‌ కోసం సమాయత్తమవుతున్నవారికోసం యూఏఈ వెదర్‌ డిపార్ట్‌మెంట్‌ వెదర్‌ రిపోర్ట్‌ అందించింది. గురువారం నుంచి సోమవారం వరకు వాతావరణం బాగానే వుంటుందనీ, అక్కడక్కడా కొన్ని చోట్ల మేఘాలు కన్పిస్తాయనీ, దాంతో హ్యుమిడిటీ రాత్రి వేళల్లో పెరిగే అవకాశం వుందని వెదర్‌ రిపోర్ట్‌ని బట్టి అర్థమవుతోంది. అత్యధిక ఉష్ణోగ్రత కోస్టల్‌ ఏరియాస్‌లో 33 నుంచి 44 డిగ్రీల సెల్సియస్‌గానూ, ఇంటర్నల్‌ ఏరియాస్‌లో 35 నుంచి 45 డిగ్రీల సెల్సియస్‌గానూ వుండే అవకాశముంది. అత్యధికంగా బరాక్‌లో 45 డిగ్రీల సెంటిగ్రేడ్‌ ఉష్ణోగ్రత నమోదయ్యింది. అత్యల్పం 21.3 డిగ్రీలుఏ దమ్తా ప్రాంతంలో నమోదయ్యింది. సాధారణం నుంచి ఓ మోస్తరు వేగంతో గాలులు వీచే అవకాశం వుంది. సముద్రం ఓ మోస్తరు నుంచి సాధారణ స్థాయిలో రఫ్‌గా వుండే అవకాశం వుంది.