మస్కట్‌: నాలుగేళ్ళ చిన్నారి, పెను ప్రమాదం నుంచి తృటిలో తప్పించుకున్నాడు. సీబ్‌ ప్రాంతంలో ఎస్‌యూవీ ఒకటి ఈ చిన్నారిని ఢీకొంది. చిన్నారి అవాస్‌ అల్‌ మహ్రామి, ఈ ఘటనలో తీవ్ర గాయాలపాలవగా అతన్ని ఆసుపత్రికి తరలించారు. బీచ్‌ పక్కనే తండ్రితో కలసి కూర్చున్న ఆవాస్‌, ఒక్కసారిగా రోడ్డు పైకి వెళ్ళడంతో, దాన్ని అతని తండ్రి యూసిఫ్‌ అల్‌ మహ్రామి వెంటనే గుర్తించలేకపోయారు. రోడ్డుపై ప్రమాదం తాలూకు శబ్దం వినగానే అటువైపు వెళ్ళిన ఆవాస్‌ తండ్రికి, ఆవాస్‌ రోడ్డు ప్రమాదానికి గురైనట్లు తెలుసుకున్నారు. చిన్న చిన్న గాయాలతో ఆవాస్‌ బయటపడ్డంతో అంతా ఊపిరి పీల్చుకున్నారు. వెంటనే ఆసుపత్రికి తరలించి వైద్య చికిత్స అందించారు చిన్నారి ఆవాస్‌కి. ఒక్కసారిగా రోడ్డుపైకి చిన్నారి రావడంతో వాహనాన్ని అదుపు చేయడానికి ఎస్‌యూవీ డ్రైవర్‌ చాలా కష్టపడ్డాడు. ఆదివారం షార్జా ప్రాంతంలోని సీబ్‌ బీచ్‌ వద్ద ఉదయం 11 గంటలకు ఈ ఘటన చోటు చేసుకుంది.