కనులు తెరిచిన క్షణం

కనపడే రూపం అమ్మ

తన ఆత్మ శరీరం పంచి

మనకు జన్మనిచ్చిన దివ్యరూపం అమ్మ

తన రక్తాన్ని పాలుగా మార్చి

మన ప్రాణం నిలుపుతుంది అమ్మ

మన కాలిలో ముళ్ళు విరిగినా

విలవిల లాడిపోయేది అమ్మ

మన మౌనం సైతం

అర్ధం చేసుకోగలదు అమ్మ

మన ప్రాణానికి తన ప్రాణం అడ్డు వేయడానికి

ఏ మాత్రం వెనుకాడదు అమ్మ

తనవన్నీ త్యాగం చేస్తూ

మన ఎదుగుదల కోరుకుంటుంది అమ్మ

మన పెదవిపై చిరునవ్వు

తన గెలుపుగా భావిస్తుంది అమ్మ

చివరిక్షణం వరకు

అనుక్షణం నీకై బ్రతుకుతుంది అమ్మ

చివరిశ్వాస నిను చూస్తూ

నీ చేతుల్లో ఒదలాలని తపించిపోతుంది అమ్మ

ప్రేమ అనే పదానికి అర్ధం అమ్మ

నీ ప్రేమ అమూల్యం అమ్మ

నీ ఋణం తీర్చుకోలేనిది అమ్మ

                                    ---నిక్కి