అజ్మన్‌లో జరిగిన ఓ అగ్ని ప్రమాదం ఓ వృద్ధుడిని, ఇద్దరు చిన్నారుల్ని బలిగొంది. అజ్మన్‌ సివిల్‌ డిఫెన్స్‌ సెంట్రల్‌ ఆపరేషన్‌ రూమ్‌కి ఈ ఘటనపై సమాచారం అందగానే, సంఘటనా స్థలానికి చేరుకుని సహాయక చర్యల్ని ప్రారంభించారు. అల్‌ రషిదియా ప్రాంతంలోని 6 అంతస్తుల భవనంలో ఈ దుర్ఘటన చోటు చేసుకుంది. అంబులెన్స్‌లు, ఫైర్‌ ఫైటర్స్‌ అక్కడికి చేరుకుని మంటల్ని ఆర్పివేసేందుకు ప్రయత్నించాయి. బాధితులకు తక్షణ వైద్య సహాయం అందించి, హుటాహుటిన ఆసుపత్రికి తరలించినా.. అప్పటికే పొగను ఎక్కువగా పీల్చేయడం, కాలిన గాయాల కారణంగా వారు ప్రాణాలు కోల్పోయారు.