ఇథియోపియన్‌ ఎయిర్‌వేస్‌ విమానం కుప్పకూలిన ఘటన తర్వాత ప్రపంచ వ్యాప్తంగా బోయింగ్‌ 737-8 మ్యాక్స్‌ విమానాలపై నీలి మేఘాలు అలముకున్నాయి. తాజాగా యూఏఈ జనరల్‌ సివిల్‌ ఏవియేషన్‌, సేఫ్టీ డెసిషన్‌లో భాగంగా 737-8 మ్యాక్స్‌ విమానాల్ని నిషేధిస్తూ నిర్ణయం తీసుకుంది. మార్చి 13 నుంచి ఈ నిషేధం అమల్లోకి వచ్చింది. యూఏఈ ఎయిర్‌ స్పేస్‌లోకి ఈ విమానాల్ని నిషేధిస్తున్నారు. తదుపరి నోటీసు వరకు ఈ నిషేధం అమల్లో వుంటుంది. పరిస్థితిని సమీక్షిస్తున్నామనీ, జిసిఎఎ ఎప్పటికప్పుడు పరిణామాల్ని పరిశీలిస్తోందనీ అధికారులు వెల్లడించారు.