సార్జా మ్యూజిక్‌ ఫెస్టివల్‌ వచ్చేస్తోంది. మూడవ షార్జా వరల్డ్‌ మ్యూజిక్‌ ఫెస్టివల్‌ 2016 జనవరి 7 నుంచి 12 వరకు షార్జాలోని టూరిస్ట్‌ డెస్టినేషన్లలో సందడి చేయనుంది. షార్జా ఇన్వెస్ట్‌మెంట్‌ అండ్‌ డెవలప్‌మెంట్‌ అథారిటీ సహకారంతో ఫరాత్‌ ఖద్దౌరి మ్యూజిక్‌ సెంటర్‌ నిర్వహించనున్న ఈ మ్యూజిక్‌ ఫెస్టివల్‌లో 13 దేశాలకు చెందిన అద్భుత ప్రదర్శనలు అలరించనున్నాయి. ఆరు రోజులపాటు జరిగే ఔట్‌ డోర్‌ ప్రదర్శనల కోసం షార్జా సిద్ధమైంది. షార్జా మ్యూజిక్‌ ఫెస్టివల్‌ మేనేజర్‌ షరాత్‌ కద్దౌరి మాట్లాడుతూ, అంతర్జాతీయ స్థాయిలో పేరొందిన ఆరు బ్యాండ్స్‌ను షార్జాకి తొలిసారిగా తీసుకొస్తున్నందుకు చాలా ఆనందంగా వుందని చెప్పారు. ఆహూతుల్ని ఈ మ్యూజిక్‌ ఫెస్టివల్‌ విశేషంగా ఆకట్టుకుంటుందని ఆయన ఆశాభావం వ్యక్తం చేశారు. ప్రతిరోజూ ప్రపంచ ఫ్రఖ్యాత కళాకారులతో ప్రదర్శనలుంటాయని ఆయన అన్నారు. షార్జా వరల్డ్‌ మ్యూజిక్‌ ఫెస్టివల్‌ తొలి సీజన్‌ 2014లో ప్రారంభమయ్యింది. అక్కడినుంచి ప్రతిసారీ ఇంకా ఇంకా కొత్తగా, ఇంకా ఘనంగా షార్జా మ్యూజిక్‌ ఫెస్టివల్‌ నిర్వహించబడ్తోంది.