ఎమిరేటీ ట్విన్స్‌, స్విమ్మింగ్‌ పూల్‌లో పడి ప్రాణాలు కోల్పోయిన ఘటన రస్‌ అల్‌ ఖైమాలోని ఖుజామ్‌ ప్రాంతంలో చోటు చేసుకుంది. మృతుల వయసు 2.5 సంవత్సరాలు కావడంతో ఈ ఘటన అందర్నీ కలచివేస్తోంది. ఉదయం 10.10 నిమిషాల సమయంలో తమకు చిన్నారులు కన్పించడలేదంటూ ఫిర్యాదు అందిందనీ, వెంటనే సెర్చ్‌ ఆపరేషన్‌ ప్రారంభించామని పోలీస్‌ అధికారులు పేర్కొన్నారు. రెస్క్యూ టీమ్‌, ఇద్దరు చిన్నారుల్నీ స్విమ్మింగ్‌ పూల్‌ నుంచి బయటకు తీసి, వారిని బతికించేందుకు ప్రయత్నించినా, ప్రయోజనం లేకుండా పోయిందని రస్‌ అల్‌ ఖైమా పోలీసులు వెల్లడించారు. చిన్నారుల విషయంలో తల్లిదండ్రులు అప్రమత్తంగా వుండాలని ఈ సందర్భంగా బ్రిగేడియర్‌ హుమైది సూచించారు.