మస్కట్‌: విలాయత్‌ బాహ్లాలో జరిగిన ఓ హత్యకేసుకు సంబంధించి వలసదారుడ్ని అరెస్ట్‌ చేశారు రాయల్‌ ఒమన్‌ పోలీసులు. అధికారులు వెల్లడించిన వివరాల ప్రకారం అరెస్టయిన నిందితుడు ఆసియా జాతీయుడిగా తెలుస్తోంది. అయితే, నేరానికి సంబంధించి ఎలాంటి వివరాల్నీ అధికారులు వెల్లడించలేదు. దఖ్లియా పోలీస్‌ కమాండ్‌, క్రిమినల్‌ ఇన్వెస్టిగేషన్‌ డిపార్ట్‌మెంట్‌తో కలిసి చేపట్టిన ఆపరేషన్‌లో ఆసియా జాతీయుడ్ని అరెస్ట్‌ చేసినట్లు రాయల్‌ ఒమన్‌ పోలీస్‌, ఆన్‌లైన్‌ ప్రకటన ద్వారా వెల్లడించింది. నిందితుడిపై చట్టపరమైన చర్యలు తీసుకోవడం జరుగుతుందని రాయల్‌ ఒమన్‌ పోలీస్‌ పేర్కొంది.