యూఏఈ: షార్జా నుంచి దుబాయ్‌ వైపు వెళ్ళే వాహనదారులు ట్రాఫిక్‌ సమస్యల కారణంగా తీవ్ర ఇబ్బందులు ఎదుర్కొన్నారు. ఓ యాక్సిడెంట్‌లో పలు వాహనాలు ధ్వంసం కావడంతో ఈ ట్రాఫిక్‌ జామ్‌ ఏర్పడింది. షేక్‌ మొహమ్మద్‌ బిన్‌ జాయెద్‌ రోడ్డుపై అల్‌ కాసియాస్‌ సిమిటెరీ వద్ద ఈ ప్రమాదం చోటు చేసుకుంది. షార్జా నుంచి జబెల్‌ అలి వైపు వెళ్ళే మార్గంలో వాహనదారులు తీవ్ర ఇబ్బందులు పడ్డారు. అతి వేగంతో వాహనాలు నడిపితే ప్రమాదాలు జరుగుతాయనీ, వాహనదారులు పరిమిత వేగంతో తమ వాహనాల్ని నడిపించాలని అధికారులు సూచిస్తున్నారు.