ఇరాన్‌ మద్దతుదారులైన హౌతీ తీవ్రవాదులు సనా నుంచి సంధించిన డ్రోన్‌ని అరబ్‌ సంకీర్ణ దళాలు విజయవంతగా కూల్చేశాయి. ఆదివారం సాయంత్రం ఈ డ్రోన్‌ కూల్చివేత జరిగిందని సంకీర్ణ దళాల అధికార ప్రతినిథి కల్నల్‌ టుర్కి అల్‌ మాలికి చెప్పారు. అత్యంత సమర్థవంతంగా సంకీర్ణ దళాలు వ్యవహరించడంతో హౌతీ తీవ్రవాదుల అకృత్యాలకు అడ్డుకట్ట వేయగలుగుతున్నట్లు టుర్కి అల్‌ మాలికి వివరించారు. పదే పదే హౌతీ తీవ్రవాదులు యెమెన్‌ నుంచి సౌదీ అరేబియాలోని జనావాస ప్రాంతాలే లక్ష్యంగా డ్రోన్లను, మిస్సైల్స్‌ని సంధిస్తున్నట్లు అధికారులు తెలిపారు.