బహ్రెయిన్‌ ఎయిర్‌పోర్ట్‌ కంపెనీ, బహ్రెయిన్‌ ఇంటర్నేషనల్‌ ఎయిర్‌పోర్ట్‌లో సాధారణ కార్యకలాపాలు తిరిగి ప్రారంభమయినట్లు వెల్లడించింది. ఓ విమానం నుంచి ఆయిల్‌ లీక్‌ కావడంతో, సుమారు గంటపాటు రన్‌ వేని మూసివేశారు సాయంత్రం 4.27 నిమిషాల సమయంలో. ప్రయాణీకుల భద్రతకు అధిక ప్రాధాన్యతనిస్తూ ఈ నిర్ణయం తీసుకోవడం జరిగిందనీ, ఐదు విమానాల్ని దమ్మామ్‌ ఎయిర్‌పోర్ట్‌ వైపుకు మళ్ళించామనీ, మరొకటి కువైట్‌ ఇంటర్నేషనల్‌ ఎయిర్‌పోర్ట్‌కి మళ్ళించడం జరిగిందని బహ్రెయిన్‌ ఎయిర్‌పోర్ట్‌ కంపెనీ పేర్కొంది. పూర్తిగా ఆయిల్‌ని రన్‌ వే నుంచి తొలగించిన తర్వాత యధాతథంగా ఎయిర్‌ పోర్ట్‌లో ల్యాండింగ్‌, టేకాఫ్‌ కార్యకలాపాలు కొనసాగుతున్నట్లు తెలిపారు అధికారులు.