మస్కట్‌: సలాలా ఇండస్ట్రియల్‌ ఏరియాలోని ఓ కార్‌ వాష్‌ స్టేషన్‌లో అగ్ని ప్రమాదం చోటు చేసుకుంది. దోఫార్‌ గవర్నరేట్‌లో జరిగిన అగ్ని ప్రమాదం గురించిన సమాచారం అందుకోగానే, ఫైర్‌ ఫైటర్స్‌ రికార్డు సమయంలో సంఘటనా స్థలానికి చేరుకున్నారని పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) పేర్కొంది. ఫైర్‌ ఫైటర్స్‌ చాకచక్యంగా వ్యవహరించి మంటల్ని అదుపు చేశారనీ, ఈ క్రమంలో ఎవరికీ ఎలాంటి గాయాలూ కాలేదని అధికారులు తెలిపారు. అగ్ని ప్రమాదాల పట్ల అప్రమత్తంగా వుండాలనీ, తగిన ముందస్తు భద్రతా చర్యలు చేపట్టాలని ఆయా సంస్థల నిర్వాహకులకు విజ్ఞప్తి చేశారు పిఎసిడిఎ అధికారులు.