దుబాయ్‌ పోలీస్‌ వెల్లడించిన వివరాల ప్రకారం 425,371 మోటరిస్టులకు జరిమానాలపై 50 శాతం డిస్కౌట్‌ లభించినట్లు తెలుస్తోంది. వీరిలో 340,112 మంది మేల్‌ డ్రైవర్స్‌ కాగా, 85,259 మంది మహిళా డ్రైవర్లు వున్నట్లు పోలీసులు తెలిపారు. మూడు నెలలపాటు ఎలాంటి ఉల్లంఘనకూ పాల్పడకుండా వుంటే 25 శాతం డిస్కౌంట్‌, ఆరు నెలలపాటు ఉల్లంఘనలకు దూరంగా వుంటే 50 శాతం డిస్కౌంట్‌, 9 నెలలపాటు జాగ్రత్తగా వుంటే 75 శాతం, 12 నెలల అప్రమత్తతకు 100 శాతం డిస్కౌంట్‌ ఇవ్వనున్నట్లు ఈ ఏడాది ఫిబ్రవరిలో ఓ ఇనీషియేటివ్‌ని ప్రారంభించిన విషయం విదితమే. ఈ క్రమంలో వాహనదారుల్లో చాలా మార్పు వచ్చిందని అధికారులు వెల్లడించారు.