మస్కట్‌: ఓ సాపింగ్‌ సెంటర్‌లో అగ్ని ప్రమాదం చోటు చేసుకుంది. నార్త్‌ అల్‌ బతినా గవర్నరేట్‌ పరిధిలో ఈ ఘటన జరిగినట్లు పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) ధృవీకరించింది. నార్త్‌ అల్‌ బతినా డైరెక్టరేట్‌ నుంచి ఫైర్‌ ఫైటింగ్‌ టీమ్స్‌ సంఘటనా స్థలానికి చేరుకుని మంటల్ని ఆర్పివేయడం జరిగింది. అల్‌ సువైక్‌లోని అల్‌ షాతిర్‌లోగల షాపింగ్‌ సెంటర్‌లో ఈ అగ్ని ప్రమాదం జరిగినట్లు అధికారులు తెలిపారు. మంటలు అదుపులోకి వచ్చాయనీ, భారీగా ఆస్థి నష్టం సంభవించిందని అధికారులు చెబుతున్నారు. ఈ ఘటనకు సంబంధించి పూర్తి వివరాలు వెల్లడి కావాల్సి వుంది.