కోర్నిచెలో జరిగిన ఓరెడూ మారథాన్‌లో 2000 మంది పాల్గొన్నారు. వివిధ వయసులకు చెందినవారు పాల్గొనడంతో మారథాన్‌ ఉల్లాసభరితంగా సాగింది. ఆరోగ్యం కోసం, అలాగే ఛారిటీ కోసం ఈ మారథాన్‌ని నిర్వహించారు. ఉదయం 6.30 నిమిషాలకు ప్రారంభమైన ఈ ఫుల్‌ మారథాన్‌ 42.195 కిలోమీటర్ల మేర సాగింది. హాఫ్‌ మారథాన్‌లో చాలా ఎక్కువమంది కన్పించారు. 10, 5, కిలోమీటర్ల జూనియర్‌ మరియు అడల్ట్‌ రేస్‌లలో ఉత్సాహంగా పాల్గొన్నారు. చిన్న పిల్లల కోసం 3, 1 కిలోమీటర్ల మారథాన్‌ ఈవెంట్స్‌ని కూడా నిర్వహించారు. ఫుల్‌ మారథాన్‌లో కెన్యాకు చెందినవారు తమ ప్రత్యేకతను చాటుకున్నారు. పురుషులు, స్త్రీల విభాఞగంలో వారికే విన్నింగ్‌ ఛాన్స్‌ దక్కింది. 2 గంటల 21 నిమిషాల్లో లక్ష్యాన్ని చేరుకున్న అమోస్‌ మైంది తొలి స్థానం దక్కించుకున్నారు పురుషుల విభాగంలో. పమేలా చప్కోయెచ్‌ బుండోటిచ్‌ మహిళల విభాగంలో 2 గంటల 58 నిమిషాల్లో లక్ష్యం చేరి విజయాన్ని సొంతం చేసుకున్నారు.