మహేష్‌బాబు మురుగదాస్‌ కలయికలో ఓ చిత్రం రూపుదిద్దుకోనుంది.ఖబ్రహ్మోత్సవంగ తరవాత ఈ సినిమా మొదలవుతుంది. న్యాయ వ్యవస్థ చుట్టూ నడిచే కథ ఇది. ఈ సినిమా కోసం ఖచట్టంతో పోరాటంగ, ఖఎనిమిగ పేర్లు పరిశీలించారని, అందులో ఖఎనిమిగని ఖరారు చేశారన్న వార్తలొచ్చాయి. వీటిపై మురుగదాస్‌ స్పందించారు. ఇంత వరకూ సినిమాకి ఎలాంటి పేరూ ఖరారు చేయలేదని, అసలు ఖఎనిమిగ అనే టైటిల్‌ పెట్టాలన్న ఆలోచనే రాలేదని చెప్పుకొచ్చారు మురుగదాస్‌. అంతేకాదు ఈ చిత్రంలో మహేష్‌ ద్విపాత్రాభినయం చేస్తున్నారని చెప్పుకొన్నారంతా. అదీ ఒట్టిమాటే అని తేలింది. ఖమహేష్‌ డ్యూయల్‌ రోల్‌ చేస్తున్నారన్న విషయంలోనూ నిజం లేదు. ఆయన ఒక్కరే. .గ అని క్లారిటీ ఇచ్చారు. కథానాయిక కోసం ఇంకా అన్వేషణ జరుపుతున్నారట. బాలీవుడ్‌ భామని ఎంపిక చేసే ప్రయత్నాల్లో చిత్రబృందం ఉందని సమాచారం. తెలుగు, తమిళ భాషల్లో ఏకకాలంలో తెరకెక్కించే ఈ చిత్రం ఏప్రిల్‌ నుంచి సెట్స్‌పైకి వెళ్లే అవకా శాలున్నాయి.