బాలకృష్ణ, అంజలి ప్రధాన పాత్రలలో తెరకెక్కిన డిక్టేటర్ చిత్రం సంక్రాంతి బరిలో నిలుస్తోండగా, ఈ చిత్రం విడుదలకు ముందే సంచలనాలు క్రియేట్ చేస్తోంది. శ్రీవాస్ దర్శకత్వంలో తెరకెక్కిన ఈ చిత్రానికి తమన్ సంగీతాన్ని అందించగా ఆడియో కూడా మంచి పాజిటివ్ టాక్ తెచ్చుకుంది. దీంతో ఈ చిత్రంపై భారీగానే అంచనాలు ఏర్పడ్డాయి. ఇక ఈ చిత్రాన్ని కోలివుడ్ , బాలీవుడ్‌లో రీమేక్ చేసేందుకు సన్నాహాలు చేస్తున్నారట.డిక్టేటర్ చిత్రం సంక్రాంతి కానుకగా జనవరి 14న విడుదల కానుండగా ఈ చిత్రాన్ని తమిళంలో అజిత్‌తో చేయించాలని ఈరోస్ సంస్ధ భావిస్తోంది. వేదాలం చిత్ర సక్సెస్‌తో మంచి జోష్‌లో ఉన్న అజిత్ కూడా రీమేక్‌లో నటించేందుకు గ్రీన్ సిగ్నల్ ఇచ్చినట్టు వార్తలు వస్తున్నాయి.అయితే తెలుగులో విడుదలైన తర్వాత ఆ చిత్ర ఫలితాన్ని చూసి తాను రీమేక్ చేయాలా వద్దా అనేది డిసైడ్ అవనున్నట్టు తెలుస్తోంది