బహ్రెయిన్: ఆసియాకి చెందిన ట్రక్‌ డ్రైవర్‌ ఒకరికి నిర్లక్ష్యంగా డ్రైవింగ్‌ చేసినందుకుగాను 2 నెలల జైలు శిక్ష విధించింది న్యాయస్థానం. ఇస్తిక్లాల్‌ హైవేపై సనద్‌ వద్ద ప్రమాదకరంగా నిందితుడు వాహనాన్ని నడిపినట్లు అభియోగాలు నిరూపించబడ్డాయి. ట్రాఫిక్‌ ప్రాసిక్యూషన్‌ చీఫ్‌ ప్రాసిక్యూటర్‌ హుస్సేన్‌ అల్‌ సైరాఫి మాట్లాడుతూ, నిర్దేశిత స్పీడ్‌ లిమిట్‌ని మించి అతి ప్రమాదకరంగా నిందితుడు వాహనాన్ని నడిపాడని చెప్పారు. ఈ మేరకు ఓ వీడియో ఆన్‌లైన్‌లో హల్‌చల్‌ చేయడంతో, నిందితుడ్ని పట్టుకుని విచారణ జరిపారు. ఎమర్జన్సీ లేన్‌ని వినియోగిస్తూ ఇతర వాహనాల్ని ప్రమాదకరంగా దాటుకుని ముందుకు వెళ్ళినట్లు నిందితుడిపై అభియోగాలు నిరూపించబడ్డాయి. సోషల్‌ మీడియాలో వీడియో వైరల్‌ అయిన వెంటనే పోలీసులు రంగంలోకి దిగి, నిందితుడ్ని అదుపులోకి తీసుకున్నారు.