మధ్యస్థం నుంచి భారీ స్థాయిలో వర్షాలు కురిసే అవకాశం ఉందని వాతావరణ శాఖ హెచ్చరించింది. ఒమన్‌లోని ముసాదమ్‌ మరియు బురైమి గవర్నరేట్స్‌ పరిధిలో భారీ వర్షాలు కురియనున్నాయి. దక్లియా, దమిరా మరియు మస్కట్‌ వర్నరేట్స్‌లో ఓ మోస్తరు నుంచి భారీ వర్షాలు కురిసే అవకాశం ఉంది. పబ్లిక్‌ అథారిటీ ఆఫ్‌ సివిల్‌ ఏవియేషన్‌ ఈ మేరకు ప్రకటన విడుదల చేసింది. లోతట్టు ప్రాంతాల్లో నివసించేవారు తగిన జాగ్త్రలు తీసుకోవాలనీ, ముంపు ప్రాంతాల్లోనివారు సురక్షిత ప్రాంతాలకు తరలివెళ్ళాలని ఆ ప్రకటనలో పేర్కొన్నారు. బుధవారం, గురువారాల్లో ఈ వర్షాలు భారీగా కురవనున్నాయి. భారీ వర్షాలతో దేశమంతటా ఉష్ణోగ్రతలు గణనీయంగా తగ్గనున్నాయి. జనవరి, ఫిబ్రవరిలో ఒమన్‌ మధ్యస్థం నుంచి భారీ వర్షాలను చవిచూడవలసి ఉంటుంది. ఇదంతా ఎల్‌నినో ప్రభావమేనని వాతావరణ శాఖ అంచనా వేసింది.