సూపర్ స్టార్ రజినీ కాంత్.. వెండితెరపై హల్‌చల్ చేసేందుకు వచ్చేస్తున్నాడు. మరోసారి పోలీస్ లాఠీ పవర్ చూపించేందుకు ముంబై గ్యాంగ్ స్టర్‌లను మట్టుబెట్టేందుకు సిద్దమవుతున్నాడు. విలక్షణ దర్శకుడు ఏ ఆర్ మురుగదాస్‌తో దర్బార్ అంటూ తలైవా రెడీ అయ్యాడు. శరవేగంగా షూటింగ్‌ను పూర్తి చేసుకున్న ఈ చిత్ర యూనిట్ డబ్బింగ్ పనులను కూడా మొదలెట్టేసింది.

ఈ చిత్రంలో లేడీ సూపర్ స్టార్ నయన్ తార, నివేదా థామస్ ప్రత్యేక పాత్రలను పోషిస్తున్నారు. రజినీ కూతురుగా నివేదా నటిస్తుండగా.. ఆ మధ్య చేసిన ట్వీట్ తెగ వైరల్ అయింది. ఈ ప్రపంచం తెలుసుకోవాల్సిన ఓ వ్యక్తి ఉన్నాడు అదే మా నాన్న అంటూ రజినీ క్యారెక్టర్ గురించి వివరించింది. ఈ చిత్రంలో రజినీ పాత్రను పవర్ ఫుల్‌గా తీర్చిదిద్దాడని తెలుస్తోంది.