సుప్రీం కౌన్సిల్‌ ఆఫ్‌ హెల్త్‌ (ఎస్‌సిహెచ్‌), తాజాగా ఖతార్‌ నేషనల్‌ ఫార్ములరీ (క్యుఎన్‌ఎఫ్‌) అనే ఆన్‌లైన్‌ ప్లాట్‌ఫామ్‌ని ఫిజీషియన్స్‌, క్లినికల్‌ స్టాఫ్‌ మరియు పబ్లిక్‌ యాక్సెస్‌ చేసుకునేలా అందుబాటులోకి తెచ్చింది. దేశంలో అందుబాటులో ఉన్న మందుల వివరాలు ఇందులో పేర్కొంటారు. డాక్టర్లు రాసే మందులపై ప్రజలు అవగాహన పెంచుకోవడానికీ, అలాగే డాక్టర్లకూ కొత్తగా వస్తున్న మందులపై అవగాహన కలిగించుకోవడానికి, మందుల వినియోగంలో క్లినికల్‌ స్టాఫ్‌ రోగికీ, డాక్టర్‌కీ మధ్య సహాయ సహకారాలు అందించడానికీ ఈ పోర్టల్‌ ఉపయోగపడ్తుందని నిర్వాహకులు చెప్పారు. అయితే ఈ విధానం ద్వారా డాక్టర్ల కన్సల్టేషన్‌ అవసరం లేదనే భావన ప్రజల్లో ఉండకూడదు. కేవలం అవగాహన కోసమే మందుల వివరాల్ని ఆన్‌లైన్‌లో అందుబాటులోకి తీసుకొచ్చారు.