అబుధాబి రెసిడెంట్, రేసిస్ట్ అలాగే హేట్ కామెంట్స్ చేసినట్లుగా అభియోగాలు ఎదుర్కొంటున్నాడు. సోషల్ మీడియాలో పోస్ట్ అయిన ఓ వీడియో ఆధారంగా నిందితుడిపై కేసు నమోదు చేయడం జరిగింది. తన యూ ట్యూబ్ ఛానెల్ ద్వారా నిందితుడు విద్వేషానికి, జాత్యహంకారానికి పాల్పడుతున్నట్లు అధికారులు పేర్కొన్నారు. యూఏఈలో నివసిస్తున్న వివిధ వర్గాల్ని కించపర్చేలా ఈ వీడియో రూపొందిందని వారు చెప్పారు. క్రమంగా ఈ వీడియో చాలా సామాజిక మాధ్యమాల ద్వారా షేర్ అవుతోందని వివరించారు అధికారులు. జాతి ఐక్యతను దెబ్బతీసేలా, దేశ ప్రతిష్టకు భంగం కలిగించేలా ఎవరు వ్యవహరించినా కఠిన చర్యలు తప్పవని అథారిటీస్ పేర్కొంటున్నాయి. సోషల్ మీడియాని దుర్వినియోగం చేస్తూ, ఇలాంటి చర్యలకు పాల్పడితే తీవ్రమైన శిక్షలు ఎదుర్కోవాల్సి వస్తుంది. 500,000 నుంచి 1 మిలియన్ దిర్హామ్ ల వరకు జరీమానా ఎదుర్కోవాల్సి రావొచ్చు.