యూఏఈ: భారతదేశానికి వెళ్లదలుచుకునే వారికి మే 7 నుండి విమాన మరియు నావికాదళ నౌకల సర్వీసులు ప్రారంభమవుతున్న విషయం తెలిసిందే. యూఏఈ లో 197,000 మంది భారతీయులు స్వదేశానికి తిరిగి వెళ్ళడానికి నమోదు చేసుకున్నారు. దీనిపై యూఏఈ-భారత రాయబారి పవన్ కపూర్ స్పందన:

ఎన్ని విమానాలు బయలుదేరతాయి?
"మేము విమానాల ప్రణాళికను తయారు చేస్తున్నాము దీంతో ఎవరు ఏ విమానంలో వెళ్తారో నిర్ణయిస్తాము. మా వెబ్‌సైట్‌లో ఇప్పటికే నమోదు చేసుకున్న వారి నుండి ఈ జాబితా తయారు చేయబడుతుంది. ఈ జాబితాను టిక్కెట్లను జారీ చేసే ఎయిర్ ఇండియాకు ఇవ్వటం జరుగుతుంది. ప్రారంభ ప్రక్రియగా మే 7 న రెండుకు మించి విమానాలు ఉండవని అనుకుంటున్నాము. ఇది విజయవంతం కావడానికి మాకు ప్రజల పూర్తి మద్దతు మరియు సహకారం అవసరం. ప్రజలు చాలా కాలంగా ఎదురుచూస్తున్నారని నాకు తెలుసు. కాని బాధలో ఉన్నవారికి మనం ప్రాధాన్యత ఇవ్వాలి. ప్రయాణీకులు తమ టికెట్లు బుక్ చేసుకునేటప్పుడు ఎయిర్ ఇండియా వెబ్‌సైట్ ద్వారా లేదా ఎయిర్ ఇండియా అనుసంధాన కార్యాలయాల ద్వారా చెల్లింపులు చేయవచ్చు." అని రాయబారి చెప్పారు.

మొదట కేరళకు..
స్వదేశానికి తిరిగి వచ్చే విమానాలలో బ్లూ కాలర్ కార్మికులకు మొదటి సీట్లు లభిస్తాయని ప్రధాని నరేంద్ర మోడీ ఇంతకు ముందు చెప్పారు. దిగ్బంధం కేంద్రాలు మరియు ఆసుపత్రులలో సుమారు 200,000 మందికి వసతి కల్పించడానికి కేరళ రాష్ట్రం సిద్ధమైనందున, కేరళ ప్రవాసీయులకు మొదటి రెండు విమానాలు కేరళకు వెళ్తాయని భావిస్తున్నారు.

ఎవరెవరికి ప్రాధాన్యత?
మొదట ప్రయాణించే వారిలో భారతీయ కార్మికులు, వైద్యపరంగా ప్రాధాన్యత ఉన్నవారు, గర్భిణీ స్త్రీలు, టూరిస్ట్ మరియు విజిట్ వీసాలలో ఉనావారికి ప్రాధాన్యత ఇవ్వటం జరుగుతుంది.

టికెట్ ఖర్చులెంత?
స్వదేశానికి తిరిగి తరలించే విమానాల చెల్లింపుపై వివరాలను ఈ రోజు (మే 4) భారత ప్రభుత్వంలో సంబంధిత విభాగాలు విడుదల చేస్తాయని ఇండియన్ కాన్సల్ జనరల్ విపుల్ నొక్కి చెప్పారు.