అల్‌ అవిర్‌ రోడ్‌ మరియు ఇంటర్నేషనల్‌ సిటీ ప్రవేశ మార్గాల్ని మరింత సులభతరం చేయడానికి రోడ్స్‌ మరియు ట్రాన్స్‌పోర్ట్‌ అథారిటీ అనేక ప్రాజెక్టులను చేపట్టింది. 191 మిలియన్‌ దిర్హామ్‌లను వెచ్చించి చేపడుతున్న ఈ అభివృద్ధి కార్యక్రమాలతో అల్‌ అవిర్‌ రోడ్‌ రూపు రేఖలు మారనున్నాయి. అలాగే ఇంటర్నేషనల్‌ సిటీకి వెళ్ళే మార్గాలు కొత్త రూపు సంతరించుకోనున్నాయి. ట్రాఫిక్‌ సమస్యలను తగ్గించడం, ప్రయాణం మరింత సుఖవంతంగా మార్చడమే ముఖ్య ఉద్దేశ్యాలుగా ఈ ప్రాజెక్టులు చేపడ్తున్నట్లు ఆర్‌టిఏ డైరెక్టర్‌ మరియు బోర్డ్‌ ఆఫ్‌ ఎగ్జిక్యూటివ్‌ డైరెక్టర్స్‌ ఛైర్మన్‌ మత్తర్‌ అల్‌ తయార్‌ చెప్పారు. అవసరమైన చోట్ల రోడ్లను వెడల్పు చేయడం, ట్రాఫిక్‌ ఇబ్బందులు లేకుండా వేగవంతమైన ప్రయాణం, ప్రమాదాలకు ఆస్కారం కల్పించకుండా ఎంట్రన్స్‌లు ముఖ్య ఉద్దేశ్యంగా రోడ్ల అభివృద్ధి జరగనుంది.