ఒమన్‌లో వాట్సాప్‌ కాలింగ్‌ పనిచేస్తోంది. జిసిసి దేశాల్లో ఇప్పటికే వాట్సాప్‌ కాలింగ్‌ ఉచితంగా లభిస్తున్నప్పటికీ ఇప్పటిదాకా ఒమన్‌లో అది సాధ్యం కాలేదు. ఉదయం నుంచి వాట్సాప్‌ కాలింగ్‌ పనిచేస్తుండడంతో ఒమన్‌లో వాట్సాప్‌ వినియోగదారులు హర్సం వ్యక్తం చేస్తున్నారు. కువైట్‌లోని తన స్నేహితుడితో వాట్సాప్‌ కాలింగ్‌ ద్వారా చాలాసేపు మాట్లాడనని మస్కట్‌లోని షఫి అనే ఇండియన్‌ బిజినెస్‌ మేన్‌ చెప్పారు. అయితే టెలికాం రెగ్యులేటరీ అథారిటీ అధికారికంగా ఈ విషయంపై స్పందించలేదు. వాట్సాప్‌ ఇప్పటివరకు ఉచితంగా మెసేజింగ్‌ సౌకర్యాన్ని అందిస్తోంది. అలాగే వాట్సాప్‌ కాలింగ్‌ సౌకర్యాన్ని కూడా కల్పించినా, పూర్తిస్థాయిలో అందరికీ అందుబాటులోకి రాలేదు. త్వరలో పూర్తిగా వాట్సాప్‌ కాలింగ్‌ ఉచితంగా అందరికీ అందుబాటులోకి రానుంది.