అబుదాబీ కార్మికుడికి 100,000 డాలర్ల ప్రైజ్‌మనీ

- February 03, 2016 , by Maagulf
అబుదాబీ కార్మికుడికి 100,000 డాలర్ల ప్రైజ్‌మనీ

అబుదాబీలోని బంగ్లాదేశీ కార్మికుడికి ఊహించని విధంగా బంపర్‌ ప్రైజ్‌ దక్కింది. 32 ఏళ్ళ ఎయిర్‌ కండిషనింగ్‌ టెక్నీషియన్‌ సలాఉద్దీన్‌మొహమ్మద్‌ ఇషాక్‌ 100,000 (367,000 దిర్హామ్‌లు) ప్రైజ్‌ మనీ పొందాడు. యూఏఈ ఎక్స్‌ఛేంజ్‌ నిర్వహించిన 'సెండ్‌ మనీ - విన్‌ డాలర్స్‌' కాంటెస్ట్‌లో ఈ ప్రైజ్‌ మనీ అతనికి లభించింది. ప్రైజ్‌ మనీ లభించిందన్న విషయం తెలిసి తాను నమ్మలేకపోయాననీ, తీవ్రమైన భావోద్వేగానికి లోనయ్యానని విజేత ఇషాక్‌ చెప్పారు. 2015లో చాలాసార్లు డబ్బుని బంగ్లాదేశ్‌కి పంపాననీ, అయితే ఇలాంటి ప్రైజ్‌ మనీ తనకు దక్కుతుందని ఎప్పుడూ ఊహించలేకపోయానని ఆయన అన్నాడు. జనవరి 18, 21న తీసిన డ్రాలో విజేతల్ని ప్రకటించారు. ఇంకో ఐదుగురు విజేతలకు 10,000 డాలర్ల చొప్పున ఇవ్వనుండగా, 50 మందికి 1,000 డాలర్ల చొప్పున బహుమతి ఇవ్వనున్నారు నిర్వాహకులు. 

Click/tap here to subscribe to MAAGULF news alerts on Telegram
   

తాజా వార్తలు

- మరిన్ని వార్తలు

Copyrights 2015 | MaaGulf.com