చ దువు, ఉద్యోగాల కోసం మన దేశం నుంచి లండన్‌కెళ్లి వెతలు పడిన తొమ్మిది మంది యువతీయువకుల జీవితాల్లోని జరిగిన స¾ంఘటనల సమాహారమే మా 'లండన్‌ లైఫ్‌' అంటున్నారు నవీన్‌ మేడారం. ఆయన దర్శకత్వం వహించిన ఆంగ్ల చిత్రమిది. అసద్‌ షాన్‌, అంబర్‌ రోజ్‌ నాయకానాయికలు. రేణు పటేల్‌ నిర్మాత.
ఈ నెల 12న ఈ చిత్రం ప్రేక్షకుల ముందుకు రానుంది. శుక్రవారం హైదరాబాద్‌లో జరిగిన విలేకర్ల సమావేశంలో దర్శకుడు మాట్లాడుతూ ''ఈ ఆంగ్ల చిత్రాన్ని తెలుగువారి కోసం తెలుగు సబ్‌ టైటిల్స్‌తో వేస్తున్నాం. 'హ్యారీ పోటర్‌', 'పైరేట్స్‌ ఆఫ్‌ కరేబియన్‌' వంటి 30 హాలీవుడ్‌ చిత్రాలకు పనిచేసిన అనుభవంతో ఈ సినిమాకి దర్శకత్వం వహించాను. త్వరలోనే ఓ తెలుగు చిత్రం రూపొందిస్తాన''ని చెప్పారు.