సౌదీ అరేబియా రాజధాని రియాద్ పరిధిలో ఓ గోడౌన్ లో భారీ ఎత్తున మంటలు చెలరేగాయి. ఈ ప్రమాదంలో గోడౌన్ పూర్తిగా దగ్ధమైపోయింది. అయితే..అదృష్టవశాత్తు ప్రాణహాని జరగలేదని పౌర రక్షణ సేవ అధికారులు వెల్లడించారు. ప్రమాద సమాచారం అందుకొగానే అల్ మనఖ్ జిల్లాలోని ఘటనా ప్రాంతానికి అగ్నిమాపక సిబ్బంది హుటాహుటిన చేరుకొని మంటలు అదుపులోకి తీసుకొచ్చినట్లు వివరించారు. దీంతో మంటలు చుట్టుపక్కల ప్రాంతాలకు విస్తరించకుండా నిలువరించగలిగారు. అయితే..ప్రమాదానికి గల కారణాలు ఇంకా తెలియరాలేదని అధికారులు వెల్లడించారు.