అమెరికా అధ్యక్ష ఎన్నికల వేళ అధ్యక్షుడు డోనాల్డ్ ట్రంప్(74) కరోనా వైరస్ బారిన పడ్డారు. ప్రస్తుతం ఆయన మిలటరీ ఆస్పత్రిలో ఉండి చికిత్స పొందుతున్నారు. ఆయన ఆరోగ్యం ఆందోళణకరంగా ఉన్నట్లు సమాచారం. ఆయనను వెంటిలేటర్‌పై ఉంచి చికిత్స అందిస్తున్నట్లు వైట్‌హౌస్‌ వర్గాలు తెలిపాయి. ట్రంప్‌కు స్థూలకాయం, కొలెస్టరాల్‌ ఎక్కువగా ఉన్నాయని వైద్యులు తెలిపారు.

ప్రస్తుతం ఆయనకు రెమ్‌డెసీవీర్‌తో పాటు యాంటీబాడీలతో వైద్యం అందిస్తున్నారు. గడిచిన 24 గంటల్లో ఆయన కీలక అవయవాల పనితీరు ఆందోళనకరంగా మారింది. రాబోయే రెండు రోజుల్లో ఆయన ఆరోగ్య పరిస్థితుల దృష్ట్యా చాలా కీలకమైనవిగా భావిస్తున్నారు. ట్రంప్ మరికొన్ని రోజులు ఆస్పత్రిలో ఉండాల్సి రావచ్చని వైట్‌హౌస్‌ వర్గాలు తెలిపాయి. అధ్యక్ష ఎన్నికలకు నెలరోజుల సమయం ఉన్న తరుణంలో కరోనా బారిన పడడం డొనాల్డ్‌ ట్రంప్‌ ప్రచారంపై ప్రభావం చూపుతోంది. ట్రంప్ ప్రత్యర్థి జో బిడెన్ ప్రచారంలో దూసుకపోతున్నారు. ఇప్పటికే అమెరికాలో బ్యాలెట్‌ ఓటింగ్‌ ఆరంభమైంది. కరోనాను తేలిగ్గా అంచనా వేసి ట్రంప్‌ దెబ్బతిన్నారని, అమెరికాను రిస్కులో పెట్టారని డెమొక్రాట్లు విమర్శిస్తున్నారు.